മണ്ണാറശാല ആയില്യം സർപ്പദൈവമായ നാഗരാജാവിന് സമർപ്പിച്ചിരിക്കുന്ന കേരളത്തിലെ തനത് ഉത്സവമാണ്. മണ്ണാറശാല ശ്രീ നാഗരാജ ക്ഷേത്രം ആലപ്പുഴ ജില്ലയിലെ ഹരിപ്പാടിനടുത്തുള്ള മണ്ണറശാലയിൽ സ്ഥിതി ചെയ്യുന്ന ഹിന്ദുമതത്തിലെ നാഗദൈവങ്ങൾ അല്ലെങ്കിൽ നാഗങ്ങൾക്കായി സമർപ്പിച്ചിരിക്കുന്ന ഒരു അതുല്യ ക്ഷേത്രമാണ്. ഈ വർഷത്തെ മണ്ണാറശാല ആയില്യം 6 നവംബർ 2023 തീയതി ആണ്.
മണ്ണാറശാല ആയില്യം Mannarasala Ayilyam
ക്ഷേത്രത്തിലെ പ്രധാന പൂജകള്‍ ചെയ്യുന്നത് മണ്ണാറശാല ഇല്ലത്തെ തല മുതിര്‍ന്ന സ്ത്രീ ആണ്. ‘വലിയമ്മ’ എന്ന പേരിലാണ് ഈ പുരോഹിതയായ അന്തര്‍ജ്ജനം അറിയപ്പെടുന്നത്. നാഗരാജാവിന്റെ ‘അമ്മയുടെ’ സ്ഥാനമാണ് വലിയമ്മക്ക് സങ്കല്പിച്ചിരിക്കുന്നത്. മക്കളില്ലാതെ വിഷമിച്ച ഇല്ലത്തിലെ തികഞ്ഞ ഭക്തയായ അമ്മക്ക് മകനായി നാഗരാജാവായ അനന്തന്‍ അവതരിച്ചു എന്നാണ് കഥ. ആയില്യ ദിവസത്തിൻറെ പ്രധാന ആകർഷണങ്ങളിലൊന്നാണ് ക്ഷേത്രത്തിലെയും പുണ്യ തോട്ടത്തിലെയും എല്ലാ സർപ്പ വിഗ്രഹങ്ങളും ക്ഷേത്രം നിയന്ത്രിക്കുന്ന ഇല്ലത്തിലേക്ക് കൊണ്ടുപോകുന്ന ഘോഷയാത്ര. ക്ഷേത്രത്തിലെ മുഖ്യപ്രതിഷ്ഠയായ നാഗരാജ വിഗ്രഹം പൂജാരി വഹിക്കും.
മണ്ണാറശാല ആയില്യം നക്ഷത്ര ദിവസം, ഇല്ലത്തിന്റെ നിലവറയിൽ കുടികൊള്ളുന്ന ശ്രീ നാഗരാജാവ് മണ്ണാറശാല അമ്മയ്ക്കോ ക്ഷേത്രത്തിലെ പ്രധാന പൂജാരിക്കോ ദർശനം നൽകുന്നു. ക്ഷേത്രത്തിലെ പ്രധാന നാഗരാജാവ് വാസുകി സങ്കൽപത്തിലാണ്. അന്നേ ദിവസം ആരാധിക്കുന്നത് എല്ലാത്തരം സർപ്പദോഷങ്ങളും അകറ്റാൻ സഹായിക്കുമെന്നും കുട്ടികളില്ലാത്ത ദമ്പതികൾക്ക് സന്താനഭാഗ്യം ലഭിക്കുമെന്നും വിശ്വസിക്കപ്പെടുന്നു.
Comments
Post a Comment